صالون نولي بيوتي

ماشاءالله الصالون نظافه واهتمام معتمدته من فترة طويله شغلهم فخم وناعم والموظفات لطيفات جدًا ومايطلعونك زعلانه ابد بس شوي زحمة بس يستاهل الانتظار (ارتست توحة) مبدعه مبدعه ماشاءالله المفضله عندي (الارتست فوز ابكر ) ( الارتست بشرى ) فنانات وقمة في الاخلاق ( الهير ستايل ) اغلبهم مبدعات غادة ابداع واخلاق وفطوم كافي فنانة وشغلها بآمانه واتقان بالنسبه للاسعار شوي مرتفعه بس اذا حابه تكوني انيقه وبغايه جمالك لا تتعدي صالون نولي ..

صالون كويس في المكياج والتساريح في الدور العلوي، بس الاستشوار حقهم ما يعجبني سريع ومو محترف وحتى تشقير الحواجب يفضل صفار بعد ما تخلص الاخصائية. افضل ٢ في المكياج توحة و عيوش، صح السعر غالي بس مكياج حلو بس ينفعو للمناسبات الكبيرة. اهم شي جيبو معاكم ال foundation حقكم من البيت بذات لو كنتو من اصحاب البشرة الفاتحة.

ماشاء الله الصالون اكثر من رائع عملت المكياج عند الاخصائية توحة والتسريحة عند الاخصائية مها صالح يتميز الصالون بالاهتمام وسرعة تقديم الخدمة وحضرت مناسبة للمرة الثانية واشكر خبيرة الشعر شروق احمد الله يسعدها 💕👍🏻

شغل غادة في التسريحة نجننن ماشاء الله ، وشغل بشرى في المكياج ابداع وشغل معالي مرررا حلو الامانه نويلي بيوتي مبدعين من استقبال ونظافة المكان وحلاوة المكان كمان 💜💜💜💜

ماشاءالله الصالون ولا اروع مريح جدا والخدمه فيه ممتازه مره بالذات خلود زكريا سوتلي استشوار ماشاءالله يدها خفيفه وشغلها ممتاز ممتاززز تسلم يدها مره عجبني شغلها في الشعر تسلم يدها ... وكمان كانت المشرفه خلود سنبل ياربي علي لطافت التعامل زوووق جدا جدا استقبالها كان باابتسامه ورقه في التعامل شكرا لي احلا صالون فيكي يامكه

بصراحة حبيت اكتب لكم تجربتي مع صالون نولي من ناحيه المكياج تقيمي للصالون بصفه عامة ممتاز من حيث السرعة والتعامل والإنجاز ومن ناحية الموظفة او آلميك أب ارتست انوار الزهراني ما شاء الله عليها تستاهل ١٠ من عشره واذا فيه اكثر من كذا اعطيها ما شاء الله تبارك عليها ذوق وأخلاقها راقيه جدا الله يعطيها العافيه وانا كنت آخر زبونه عندها لكن ما شاء عليها قمه في الأخلاق والتعامل الطيب بصراحه مكياجها بصفه عامه روعه وتنفع للبشره السمراء بصفه خاصه انوار الله يعطيك العافيه ويسعدك قلبك يارب مثل ما اسعدتيني ❤️🌹❤️

الصالون مرتب وخدمتهم كذلك واسعارهم كويسه ماعندهم فوضى وخلود الريمي اخلاق وفنانه مره عملتلي مكياج ولا غلطه الله يعطيها العافيه بس مها الي عملتلي التسريحه نبهتها ان شعري ناعم وممكن يفك الويفي منه ولابد تثبته كويس وقالت ولايهمك بس لما وصلت مناسبتي لقيت شعري 👎 وزعلت الصراحه

صالون رائع ومنظم والموظفات اخلاقهم جميلة كنت عروسه شبكه بنولي يوم الاربعاء 18-8 تعاملهم جداً راقي الارتست توحه تجنن ومتعاونه جداً وبالها طوويللل ماشاءالله صدق تبرد القلب والهير ستايل فطوم كافي رهيبه والاداريات قمه في الاخلاق الله يسعدهم ما قصروا معانا ابداً ♥️♥️

الصالون روعه نصيحه صبايا تروحوا له شغلهم ممتاز قصيت شعري ١٠٠ ريال لانه طويل السشوار ب ٥٠ أو ٧٠ أو ١٠٠ ع حسب طول الشعر مرة حبييييت😍😍 القصة الشكر ل امل وكمان براءة تعامل التيم في قمة الذوق واللطافة بس ناقص شوية تنظيم ماقدرت اصور الصالون من كثر الزحمة ماشاءالله 🤩 عجبني الديكور والنظافة وطاقم العمل ١٠/١٠ قررت اروح له ع طول الميكب حلو ويعملو فرد للشعر رهييييب وفي مدح للحواجب انا ماجربت الحواجب بس الكل يمدح في شغلهم good luck

من يوم ما فتح الصالون وانا ما اتعامل اللي معاهم بصراحة من افضل صوالين مكة وحابة انقلكم اخر تجربة كانت امس حجزت مكياج وتسريحة وعرفت عند مين ولمن قرب دوري شفت مكياج اللي قبلي وطلبت متها ما ابغى نفس الالوان ولا نفس المكياج قالت طيب ويوم خلصت ما بقي غير تحط الروج قلت ابغى اشوف مرة ما عجبني سوت نفس اللي ما ابغاها ومرة زعلت ورحت للمشرفة وانا خلاص منهارة بصراحة استقبلوني بكل رحابة صدر وهدوني وقالوا ما تخرجي الا وانت مبسوطة وودوني عند الاخصائية توحة وهيا كمان قعدت تقلي ارتاحي واطمني حزبطلك وحتنبسطي وكل المشرفات دخلوا عندي يطمنوا بصراحة جدا تعامل راقي من المشرفات وفعلا زبطولي المكياج وعملولي التسريحة وما خرجت الا وانا مبسوطة زي كل مرة اعمل عندهم بالتوفيق لهم واتمنى انهم يتوسعوا لانه ماشاء الله ضغط عندهم وهم يستاهلوا انه الواحد يجي يسوي عندهم

ناس مرتبين ومنظمين ماشاء الله الكل عارف شغله اخدت من عندهم بكج عروسة شبكة والمفروض اخلص من عندهم الساعه ٤ او ٥ ، خلصو مني الساعه ٣:٤٠ ، ميكب بشاير ماشاء الله تبارك الله يجننن ، وتسريحه الشعر سويتها عند فاطمه مررره حلو ماشاء الله .

حاتكلم عن تجربتي مع الصالون جيت عالوقت الي حددوه وماشالله مباشرة سلمتني للسشوار وبعدها للبدكير وبعدها للمكياج واخر شي للتساريح .. ماشالله ما انتظرت شي يذكر .. طبعا تسهيل وتسخير من الله .. بس بفضل الله ثم تنظيم العمل .. اشكر كل مسئولة عن قسم اخدت عملها باحترافية .. واشكر ادارة الصالون .. غير انه ماشالله الميكب ارتيست ابدعت بالفعل ارتيست .. انا كنت جدا متخوفة لكن ماشالله عليها عيوش عبدالقادر فنانة .. والشعر مها الله يسعدها برضو يدها حلوة كانت وسريعة ماشالله .. شكرا لكم على هذه التجربة الرائعة 💜